Larunbatean, martxoaren 16an, Euskotrenek zerbitzu bereziak eskainiko ditu eta Bilboko tranbian mozketa partziala burutuko du Athletic Club – Atlético de Madrid partidua dela eta. Mozketa partziala,20:15etik 20:35era burutuko da. Mozketa hori Bilboko Udalak koordinatutako udal Emergentzia Planaren barruan dago, Ligako partidura joan nahi duen jendearen irteera modu egokian bermatzeko

Euskotrenek tren zerbitzua indartuko du ostiralean Real Sociedad eta Levante UD taldeek jokatuko duten futbol partidua dela eta. Partidu hori Anoetan martxoaren 15ean  gaueko 21:00etan  jokatuko da.

Euskotrenek martxoaren 8an eta 9an Kukullaga/Etxebarri - Sondika artean gaueko trenen zerbitzua indartuko du Sondikako Inauteriak direla eta.

Euskotrenek, datorren ostiraleko, martxoaren 8ko, greba jardunaldirako Eusko Jaurlaritzak ezarritako gutxieneko zerbitzuak bermatuko ditu.

Larunbatean martxoaren 2an, Amorebieta eta Zaldibar artean gaueko trenen zerbitzua indartuko du Durangoko Inauterien ospakizuna dela eta.

Inauterietako desfileak direla eta, datorren martxoaren 2an, larunbatean, Bilboko eta Gasteizko tranbietan mozketa partzialak egongo dira. Horrez gain, martxoaren 3an, igandean goizez beste mozketa bat egongo da Gasteizko tranbian.

Igande arratsaldean (martxoak 3), Euskotrenek Irun eta Amara artean 15 minutuz behin zerbitzua eskainiko du Donostiako inauteriak eta Anoetan 18:30ean jokatuko den Real Sociedad – Atlético de Madrid partidua direla eta.