Euskotrenek trenen zerbitzu berezia eskainiko du Durangoko jaiak direla eta

Euskotrenek gaueko trenen zerbitzu berezia eskainiko du urriaren 10, 16 eta 17an, Durangoko jaiak direla eta.

Larunbat gauetan (urriaren 10etik 11ra eta 17tik 18ra), Matiko/Bilbo – Deba tarteko ohiko zerbitzua indartuko da, Matiko/Bilbo eta Elgoibar artean, bi noranzkoetan. Era berean, arratsaldeko zerbitzua indartuko da.

Ostiralari, hilak 16, dagokionez, gaueko zerbitzu berezia (urriaren 16tik 17ra) Matiko/Bilbo eta Ardantza (Eibar) artean eskainiko da, bi noranzkoetan.

Euskotrenek trenez joango diren pertsonei ordutegiak aldez aurretik kontsultatzeko gomendatzen die, bai APP ofizialean, bai www.euskotren.eus webgunearen bilatzailean. 

Informazio gehiagorako, erabiltzaileak Euskotreneko langileek zerbitzatzen dituzten geltokietara joan daitezke edo 944 333 333 telefono zenbakira deitu.