Vitoria-Gasteizko tranbiak irailaren 7an, astelehenean, ohiko zerbitzua berrezarriko du

• Alaba Jeneralaren eta Independentzia kaleetako obrak direla eta, aldi baterako etena amaitu da. Lan horiek aurrera jarraituko dute datozen asteetan, tranbiaren zerbitzuari eragin gabe.

Euskotrenek, Eusko Jaurlaritzako Mugikortasun Iraunkorreko Saileko sozietate publikoak, datorren astelehenean, irailaren 7an, Vitoria-Gasteizko tranbiaren ohiko zerbitzua berrezarriko du.

Abuztuaren 10ean tranbia-operadoreak aldi baterako eten zuen Legebiltzarreko eta Angulemako geralekuen arteko zerbitzua, Euskal Trenbide Sarea (ETS) Alaba Jenerala eta Independentzia kaleetan egiten ari den urbanizazio-lanen ondorioz, hiriko tranbiaren enborra bertatik igarotzen baita. Etenaldian zehar, gainerako lineen zerbitzua normaltasunez egin da, eta bi geralekuak (Legebiltzarra eta Angulema) amaierako geralekutzat hartuta.

Esku hartzea Udalarekin lortutako akordioaren emaitza da, garraiobide publiko eta pribatuen arteko integrazioa hobetu ahal izateko erdiguneko merkataritza-arterian. Ildo horretan, esku-hartzearen eremu osoan zoladura homogeneo bat jartzea sartu da jarduketaren barruan. Halaber, bi trenbideen zati bat berritu da Independentzia kaleak, Araba Jeneralaren kaleak eta Foruen kaleak bat egiten duten tokian, eta 20 kutxatila inguru konpondu dira.

Tranbia-zerbitzua berrezarri ondoren, lanak espaloiekin tranbia-plataformaren mugakide den eremuan zentratuko dira bereziki, lanak urte amaierara arte luzatuko baitira. Ildo horretan, ETS saiatzen ari da inguruko egoiliarrei eta saltokiei ahalik eta gutxien eragin diezaieten.