Entradilla
Euskotrenek datorren larunbatean gaueko trenen zerbitzua indartuko du Zaldibarko jaiak direla eta
Body
Euskotren Eusko Jaurlaritzako Mugikortasun Iraunkorreko Sailaren mendeko sozietate publikoak uztailaren 4tik 5erako gauean larunbatetako zerbitzua indartuko du, Zaldibarko jaiek eragiten dituzten joan-etorriak errazteko.
Indartze horrek Euskotrenen Bizkaiko eta Debabarreneko trenbideetako larunbat gauetako zerbitzu erregularra osatuko du.
Euskotrenek trenez bidaiatuko duten pertsonei APP ofizialean zein www.euskotren.eus orrialdeko bilatzailean ordutegiak aldez aurretik kontsultatzeko gomendatzen die. Euskotreneko langileek zerbitzatzen dituzten geltokietan ere jaso daiteke informazioa, baita 944 333 333 telefono zenbakian ere.