Euskotrenek gaueko trenen zerbitzu berezia eskainiko du Eibarko jaietarako

Euskotrenek, Eusko Jaurlaritzako Mugikortasun Jasangarriaren Sailaren menpeko sozietate publikoak, gaueko trenen zerbitzua indartuko du ekainaren 13, 19, 20 eta 23an Eibarko jaietan egingo diren joan-etorriak errazteko. 

Ekainaren 13tik 14ra bitarteko gauean eta 20tik 21era bitartekoan, larunbatetako gaueko zerbitzua indartuko da Martiko/Bilbo eta Deba artean, Eibar-Ermua tartean zirkulazio bereziak gehituz.

Bestalde, ekainaren 19tik 20ra eta 23tik 24ra bitarteko gauetan, gaueko trenen zerbitzu berezia emango da Eibar-Ermua tartean.

Euskotrenek trenez bidaiatuko duten pertsonei gomendatzen die ordutegiak aldez aurretik kontsultatzeko, APP ofizialean edo www.euskotren.eus webguneko bilatzailean. Informazio jaso dezakete, halaber, Euskotreneko langileak dituzten geltokietan eta 944 333 333 telefono-zenbakian.