Euskotrenek trenen zerbitzu berezia eskainiko du Durangoko jaiak direla eta

Euskotrenek gaueko trenen zerbitzu berezia eskainiko du urriaren 10, 11, 17 eta 18an, Durangoko jaiak direla eta.

Ostiraletan, hilak 10 eta 17, gaueko zerbitzu berezia Matiko/Bilbo eta Ardantza (Eibar) artean eskainiko da, bi noranzkoetan. 

Urriaren 11ko eta 18ko gauei dagokienez, Matiko/Bilbo – Deba tarteko ohiko zerbitzua indartuko da, Matiko/Bilbo eta Elgoibar artean, bi noranzkoetan. Era berean, arratsaldeko zerbitzua indartuko da.

Euskotrenek trenez joango diren pertsonei ordutegiak aldez aurretik kontsultatzeko gomendatzen die, bai APP ofizialean, bai www.euskotren.eus web gunearen bilatzailean. 

Informazio gehiagorako, erabiltzaileak Euskotreneko langileek zerbitzatzen dituzten geltokietara joan daitezke edo 944 333 333 telefono zenbakira deitu.