Euskotrenen Burdinbidearen Euskal Museoak bost lurrun-tren jarriko ditu martxan datozen egunetan
Eusko Jaurlaritzaren sozietate publikoa den Euskotrenen Burdinbidearen Euskal Museoak bost lurrun-tren jarriko ditu martxan hurrengo egunetan. Zerbitzu horiek denboraldi erregularraren barruan sartuko dira, eta lurrun-trenak larunbatero, igandero eta jaiegun guztietan aterako dira, azarora bitartean. Lurrun-trenak honako ordu hauetan irtengo dira museotik (Azpeitia) Lasaora:
• Uztailak 25, osteguna: 12:00etan.
• Uztailak 27, larunbata: 12:00etan eta 17:30ean.
• Uztailak 28, igandea: 12:00etan.
• Uztailak 31, asteazkena: 12:00etan.
Honako hau da Burdinbidearen Euskal Museoaren ordutegia:
• Asteartetik larunbatera: 10:30etik 14:00etara eta 16:00etatik 19:30era.
• Igande eta jaiegunetan (astelehenak izan ezik): 10:30etik 14:00etara.
ABUZTUKO DIESEL TRENEN ZERBITZUA
Abuztuaren 1ean museoak urtero eskaintzen duen diesel trenen zerbitzu berezia hasiko da. Asteartetik ostiralera (lanegunak), diesel trenak aterako dira Azpeititik Lasaora 12:00etan eta 17:30ean. Hala, Euskotrenen Museoak bere tren historikoen zerbitzua indartuko du, asteartetik ostiralera arteko lanegunetan ematen den diesel trenen zerbitzuari lurrun-trenen zerbitzua gehituta larunbat, igande eta jaiegunetan (astelehenak izan ezik).
Burdinbidearen Euskal Museoak Europako tren multzo onenetakoa du ikusgai bere instalazioetan. Era guztietako ibilgailuak ditu: lurrun-lokomotorrak, dieselak eta elektrikoak; automotorrak; eta hainbat motatako bagoiak. Era berean, Urolako Trenaren garai bateko tailerra tarteko, Euskadiko makina-erremintaren multzorik osatuenetako bat eskaintzen du eta XIX. mendearen amaieratik trenbidean erabilitako uniformeak ere baditu erakusgai, bai eta munduko trenbide-erlojuen bildumarik onenetakoa ere.
Jendearentzako informazioa
• Helbidea: Julián Elorza 8 (20730 AZPEITIA-GIPUZKOA).
• Informaziorako telefono-zenbakia: 943 15 06 77.
• Faxa: 943 15 07 46.
• Helbide elektronikoa: museoa@euskotren.eus.
• Webgunea: www.euskotren.eus.