Errugbiko TOP 14ko finalaurreko partidetarako zerbitzu berezia
Euskotrenek, Eusko Jaurlaritzako Lurralde Plangintza, Etxebizitza eta Garraio Sailaren menpeko sozietate publikoak, bere trenbide zerbitzua indartuko du ekainaren 9an eta 10ean, Donostian errugbiko TOP 14 finalerdiak direla eta.
Partiduek eta hirian antolatuko diren jarduera desberdinek sortzen dituzten joan-etorriak errazteko helburuarekin -partidak Erreale Arenan izango dira-, E1 Zumaia / Amara (Donostia) / Zumaia eta E2 Hendaia / Amara (Donostia) / Hendaia lineetan errefortzuko trenak ibiliko dira.
Trenen MAIZTASUNA honako hau izango da:
ADI: Zerbitzu berezi honen plangintzak, 10 minutuko maiztasunarekin Topoan ostiral (ekainak 9) arratsalde osoan zehar eta ia larunbat (ekainak 10) osoan zehar, ohiko ordutegiak aldatzera behartu du. Hori dela eta, erabiltzaileek kontuan izan beharko dute trenak ez direla ohiko ordutegian igaroko.
Ordutegi zehatzak webgune honetako ordutegien bilatzailean edo Euskotrenen aplikazioan kontsulta daitezke.
Ekitaldirako hiru TITULU BEREZI sortu dira, eta Hendaia eta Zumaia arteko geltoki guztietan erosi ahal izango dira. Aldez aurretik eros daitezke Hendaiako geltokiko leiatilan eta eta Garbera merkataritza-gunean. Honako hauek dira:
- TOP 24 heures, ekainaren 9tik (ostirala) aurrera izango du balioa: Hendaia eta Zumaia artean bidaia mugagabeak egiteko aukera ematen du, 10 €-ko prezioan. 5:30etik ekainaren 10eko (larunbata) 07:00etara izango da baliozkoa.
- TOP 24 heures, ekainaren 10etik (larunbata) aurrera izango du balioa: Hendaia eta Zumaia artean bidaia mugagabeak egiteko aukera ematen du, 10 €-ko prezioan. 07:00etatik ekainaren 11ko (igandea) 07:00etara izango da baliozkoa.
- TOP 72 heures, ekainaren 9tik (ostirala) aurrera izango du balioa: Hendaia eta Zumaia artean bidaia mugagabeak egiteko aukera ematen du, 20 €-ko prezioan. 5:30etik ekainaren 11ko (igandea) 23:59ra izango da baliozkoa.
Informazio gehiago behar duten erabiltzaileek Euskotrenen 944 333 333 telefonoa dute eskura. Euskotreneko langileek eskaintzen dituzten zerbitzuetan ere informazioa jaso dezakete, baita Twitterren ere: @euskotren