Euskotrenek gaueko trenen zerbitzu berezia eskainiko du Galdakaoko jaiak direla eta

Galdakaoko jaiak direla eta, Euskotrenek gaueko trenen zerbitzu berezia eskainiko du irailaren 12an eta 19an, larunbatetan, jaiez gozatzeko garraio publikoaren aukerak errazteko helburuarekin.

Zehazki, tren zerbitzu berezia eskainiko da Matiko/Bilbo – Traña tartean, irailaren 12tik 13ra eta 19tik 20ra bitarteko gauetan, eta Bizkaian eta Debabarrenean larunbatetako ohiko zerbitzua indartuko da.  

Euskotrenek trenez joan behar duten pertsonei ordutegiak aldez aurretik kontsultatzeko gomendatzen die, bai APP ofizialean, bai www.euskotren.eus webguneko bilatzailean. Erabiltzaileek informazio gehiago jaso dezakete Euskotreneko langileek zerbitzatzen dituzten geltokietan eta 944 333 333 telefonoan.