Euskotreneko zerbitzuek ohiko eskaria bikoiztu dute Bermeoko ‘Arrain Azokan’ zehar

- Asteburuan 13.000 joan-etorri baino gehiago izan ziren, eta horietatik ia erdiak larunbatekoak izan ziren

13.179 pertsonak erabili zuten Bermeoko geltokia azken asteburuan (ostiraletik igandera), ohiko ‘Arrain Azoka’ zela eta. Ohiko asteburu batekin alderatuta, ekitaldirik gabe, zifra hori ohiko eskariaren ia bikoitza da, 6.500/7.000 bidaia inguru erregistratu ohi baitira. 

Duela gutxi egin den ‘Arrain Azokak' joan-etorri gehienak larunbatean, hilak 23, egin ziren. Egun horretan, Gernika eta Bermeo arteko tren zerbitzua indartu zen, jaiaz gozatzeko garraio publikoko alternatiba bat eskaintzeko. Larunbat arrunt batean, Bermeon jatorria edo helmuga duten 2.000 joan-etorri baino gutxiago zenbatu ohi dira, baina trenbide-zerbitzuen erabilera hiru aldiz handiagoa izan zen, 6.366 bidaia egin baitziren.

Gernika-Bermeo arteko tren-zerbitzua indartu egin zen larunbateko 10:45etik 21:00etara, ohiko zerbitzua osatu zuten dozena bat zirkulazio gehiagorekin. Errefortzu honen helburua da festara joateko garraio publikoaren alternatiba bat eskaintzea eta, aldi berean, bidaiariak ohiko trenetan nahiz tren berezietan banatu ahal izatea.