Euskotren - Proba bat da

ZERBITZU ALDAKETAK

mdiaz — Fri, 19 Jun 2026 06:34:38 +0000

ZERBITZU ALDAKETAK

2026-06-19

mdiaz Or, 19/06/2026 - 08:34

Autobusak Bizkaia (ekainak 19 eta 20): ibilbide aldaketak A3414 San Mamesen ZETAK kontzertuak direla eta

Bilbo-Getxo autobus linearen ibilbidea aldatuko da San Mames estadioan ZETAK kontzertuak ospatuko direla eta.

Ekainaren 19an, 20:30etatik aurrera eta ekainaren 20an 20:00tik aurrera:

Getxo-Bilbao: Getxotik eta Leioatik datozen zerbitzuak Bilboko Kale Nagusia 74ko geralekuan amaituko dira.
Bilbao-Getxo: Leioara eta Getxora doazen Bilboko irteerak Kale Nagusia 79tik abiatuko dira. Horren ondorioz, irteera orduak geraleku horretatik burualdeko geralekuan agertzen dena baino 10 minutu beranduago egingo dira.

KENDUTAKO GERALEKUA: Ingenieritza eskola

Informazio gehiago: www.bizkaibus.eus, tel.: 946 125 555 eta Bizkaibus APPan

ZERBITZU ALDAKETAK

mdiaz — Fri, 19 Jun 2026 06:01:14 +0000

ZERBITZU ALDAKETAK

2026-06-19

mdiaz Or, 19/06/2026 - 08:01

GIPUZKOAKO AUTOBUSAK (ekainak 22): DB02 eta UK10 zerbitzu gehigarriak kentzea

Astelehenetik, ekainaren 22etik aurrera, eskola egunetako zerbitzu gehigarriak ez dira egingo.

Ondorengoak kenduko dira:

DB02 ERMUA-DONOSTIA AP-8

6:30 ERMUA-DONOSTIA
7:10 Zerbitzu Gehigarria Eibar - Donostia AP-8 (EHU)
14:20 Donostia - Eibar AP-8

UK10 ZUMAIA-DONOSTIA AP-8

13:05 Zumalakarregi - Zumaia AP-8
14:05 Zumalakarregi - Zumaia AP-8
18:05 Zumalakarregi - Zumaia AP-8

Informazio gehiago: www.lurraldebus.eus, tel.: 900 300 340 eta APP ofiziala

Euskotrenek ekainaren 25ean eta 26an gaueko trenen zerbitzu berezia eskainiko du Zarauzko jaiak direla eta

aruizlazkano — Fri, 19 Jun 2026 05:41:09 +0000

Euskotrenek ekainaren 25ean eta 26an gaueko trenen zerbitzu berezia eskainiko du Zarauzko jaiak direla eta

2026-06-19

aruizlazkano Or, 19/06/2026 - 07:41

Euskotrenek ekainaren 25ean eta 26an gaueko trenen zerbitzu berezia eskainiko du Zarauzko jaiak direla eta

Euskotrenek, Eusko Jaurlaritzako Mugikortasun Iraunkorreko sailaren mendeko Sozietate Publikoak, gaueko trenen zerbitzu berezia eskainiko du Zarauzko San Pelaio jaiak direla eta.

Joan-etorriak errazteko, ekainaren 25etik (osteguna) 26ra (ostirala) eta 26tik (ostirala) 27ra (larunbata) bitarteko gauetan tren bereziak ibiliko dira Zumaia eta Amara artean (Donostia), bi noranzkoetan.

Euskotrenek trenez joango diren pertsonei ordutegiak aldez aurretik kontsultatzeko gomendatzen die, bai APP ofizialean, bai www.euskotren.eus webgunearen bilatzailean.

Informazio gehiago nahi izanez gero, 944 333 333 telefono-zenbakia eta Euskotreneko langileek zerbitzatzen dituzten geltokiak daude eskuragarri.

ZERBITZU ALDAKETAK

mdiaz — Fri, 19 Jun 2026 05:33:09 +0000

ZERBITZU ALDAKETAK

2026-06-19

mdiaz Or, 19/06/2026 - 07:33

Gipuzkoako autobusak (ekainak 19-25): ibilbide aldaketa Eibarren

Ekainaren 19an eta 20an, Untzaga plazan izango diren KAPARRAK eta LEIRE MARTINEZ kontzertuak direla eta, Isasi eta Juan Gisasola kaleak ibilgailuentzat itxiko dira 20:30etatik kontzertuak amaitu arte. DB02, DB04 lineetan eragina izango du:

19ko 20:30etatik 21eko 00:etara, Eibarko erdigunea oinezkoentzat izango da.
KENDUTAKO GERALEKUA: Bidebarrieta

Ekainaren 23tik 25era, SAN JUAN JAIAK direla eta:

23ko 11:etatik 25eko 00:etara, Eibarko erdigunea oinezkoentzat izango da.
KENDUTAKO GERALEKUA: Bidebarrieta

Informazio gehiago: www.lurraldebus.eus, tel.: 900 300 340 eta APP ofiziala

Euskotrenek ekainaren 22tik aurrera trenbide, metroa eta Bilboko tranbia linea guztietan udako ordutegia eskainiko du

aruizlazkano — Wed, 17 Jun 2026 07:19:54 +0000

Euskotrenek ekainaren 22tik aurrera trenbide, metroa eta Bilboko tranbia linea guztietan udako ordutegia eskainiko du

2026-06-17

aruizlazkano Az, 17/06/2026 - 09:19

Euskotrenek ekainaren 22tik aurrera trenbide, metroa eta Bilboko tranbia linea guztietan udako ordutegia eskainiko du

- Tren zerbitzu erregularra indartuko da kostaldeko herrietara joateko beharrei erantzuteko

- Bilboko tranbia 15 minuturo ibiliko da udan

Euskotrenek, Eusko Jaurlaritzako Mugikortasun Iraunkorreko Sailaren mendeko sozietate publikoak, astelehenean, ekainaren 22an udako ordutegia jarriko du abian, bere trenbide (E1, E2, E3, E4 eta E5) eta metro (L3) linea guztietan. Egun berean, Bilboko tranbiaren ordutegia ere aldatuko da, 15 minutuan behin bi noranzkoetan ibiliko baita.

Uda iristearekin batera, Euskotrenek bere eskaintza egokitzen du udako beharrak asetzeko. Horrela, trenen zerbitzu erregularra indartu egingo da hondartzak dituzten kostaldeko herrietara joan-etorriak errazteko: Debabarrenean trenen eskaintza handitu da, Debako hondartzarako sarbidea errazteko, eta asteburuetan eta jaiegunetan Urdaibairako (Bilbo-Bermeo zerbitzua), Kostalderako (Donostia-Zumaia) eta Toporako (Irun/Amara eta Altza/Amara) zerbitzuak ere indartu dira. Topoaren kasuan, uztailaren 18tik aurrera, Altza-Galtzaraborda tartea irekiko denez, trenen zerbitzuan beharrezko doikuntzak egingo dira.

Usansoloko geltokiaren eta Ospitalearen arteko tren-bus zerbitzuaren ordutegia ere aldatuko da, eta autobusen irteerak eta iritsierak trenak igarotzeko orduan egokituko dira.

Euskotrenek trenez joan behar dutenei ordutegiak aldez aurretik kontsultatzeko gomendatzen die, bai APP ofizialean, bai www.euskotren.eus webgunearen bilatzailean.

Informazio gehiagorako, erabiltzaileak Euskotreneko langileek zerbitzatzen dituzten geltokietara joan daitezke eta 944 333 333 telefono zenbakira deitu.

Mugikortasun Jasangarriaren Sailak eta Correosek Larreinetako funikularrari eskainitako zigilu bat aurkeztu dute, Trapagaran eta Zugaztietaren eraldaketa ekonomiko eta sozialaren eragile gisa betetako ehun urteengatik

aruizlazkano — Mon, 15 Jun 2026 12:34:54 +0000

Mugikortasun Jasangarriaren Sailak eta Correosek Larreinetako funikularrari eskainitako zigilu bat aurkeztu dute, Trapagaran eta Zugaztietaren eraldaketa ekonomiko eta sozialaren eragile gisa betetako ehun urteengatik

2026-06-15

aruizlazkano Al, 15/06/2026 - 14:34

- TUSELLO Funicular de Larreineta / Larreinetako Funikularra 1926-2026 zigiluak omendu egiten du Euskotrenek operatzen duen garraiobide berezi honen lehen mendea

Mugikortasun Jasangarriaren Sailak eta Correosek legezko zigilu berri pertsonalizatu bat aurkeztu dute gaur, TUSELLO. Larreinetako funikularraren mendeurrena ospatzeko ekitaldien barruan jaulki dute, baita garraiobide honek, Europan bakarra denak, Trapagaran eta Zugaztieta inguruaren garapen ekonomiko eta sozialean izan duen balio eraldatzailea omentzeko ere.

Susana García Chueca sailburuak eta Nuria Lera Hervás Correoseko Filatelia eta Harreman Instituzionalen zuzendariak ohorezko zigilu-marka jarri dute, Miguel Ángel Gómez Viar Trapagarango alkatearekin, Miguel Ángel Páez Azpiegituren eta Mugikortasun Jasangarria sailburuordearekin; Javier Seoane Euskotreneko zuzendariarekin eta Juanjo Olaizola Trenbidearen Euskal Museoko zuzendariarekin batera. Ekitaldia funikularraren goiko geltokian egin da (Larreinetan), beheko geltokia —La Escontrilla— bisitatu ondoren. Bertan, argazki historikoen erakusketa iraunkor bat inauguratu dute, garraiobide berezi honen bilakaera balioesteko.

Larreinetako funikularra euskal industria-ondarearen ikurra da, eta 2014an ‘Kultura Intereseko Ondasun’ deklaratu zuten. Europan horrelako garraiobide bakarra da bere plataforma horizontalagatik. Bere eraikuntza-ezaugarri espezifikoek Zugaztieta eta Trapagarango meatzaritza- eta gizarte-bizitza eraldatu zuten 1926ko irailaren 24an inauguratu zenetik. Bere ehun urteko bizitzan, funikularraren erabilera aldatuz joan da, baina denboraren joanak ez du eragotzi herritarrei zerbitzu publikoa ematen jarraitzea; garai batean, meatzariak igotzeko eta burdin minerala Zugaztietako ustiategitik fabriketara garraiatzeko bitarteko gisa, eta, gaur egun, ingurua deskarbonizatu ondoren, garraiobide publiko jasangarri gisa, Euskotrenek kudeatuta, egoiliarrei joan-etorriak errazteko eta aisia eta jostetarako espazio handiak dituen berdegune bati sarbide turistikoa emateko.

“Mendeurrenaren ospakizuna funikularraren historiari egindako omenaldia da, baina baita haren gaur egungo indarrekotasunari eta etorkizuneko ibilbide bati egindakoa ere, oso kutsatzailea den ekonomia batetik (ikatzarena kasu) beste ekonomia jasangarri eta garbi batera igarotzeko adibide argi batean”, azpimarratu du Susana García Chueca sailburuak, hemendik 2050era neutraltasun klimatikoa lortzeko Europako Itun Berdearen ildotik.

“Larreinetako funikularra, 1926tik, identitatearen, ahaleginaren eta aurrerapenaren sinbolo bat da, bere historian zehar lurraldea eta belaunaldien bizitza egituratu dituen funtsezko azpiegitura bat. Bere mendeurrenaren esparruan, TUSELLO hau jaulkitzeak haren legatua eta ondare bizi gisa duen indarrekotasuna balioesten ditu. Correosetik, Filateliaren bidez, memoria kolektibo hori zaintzen eta zabaltzen laguntzen dugu, hain enblematikoa den elementu bat testigantza ukigarri bihurtuta, bere historia herritarrei hurbiltzen diena eta gure ondare kulturalaren aintzatespena indartzen duena”, nabarmendu du Nuria Lera Hervás Correoseko Filatelia eta Harreman Instituzionalen zuzendariak.

Bestalde, Miguel Ángel Gómez Viar Trapagarango alkateak eskerrak eman dizkie Correosi eta Eusko Jaurlaritzari, “gure herriaren sinbolorik ezagunena balioan jartzeko eta zigilu filateliko pertsonalizatu baten bidez Larreinetako gure funikular maiteak betetzen duen lehen mende honen arrasto historikoa uzteko”.

Bere mendeurrenaren urtean, Larreinetako funikularrak, era berean, guztiz berritutako kabinak estreinatzen ditu. Kabinen eraberritzea azken txanpan sartu da, eta helburu du bidaietan konfort eta erosotasun handiagoa ematea, bai bidaiarientzat, bai Euskotreneko pertsonalarentzat. Horrela, kalitatezko garraio publikoa eskaintzen jarraitu ahal izango da Larreineta eta Zugaztietan bizi direnentzat eta bisitarientzat, duela ehun urtetik etengabe egiten den bezala.

Hain zuzen ere, funikularraren zerbitzua lanek iraun bitartean ez eteteko, Euskotren soluzio tekniko berritzaile bat aplikatzen ari da: lantegira eraman den lehen kabinaren ordez itsas edukiontzi aldatu bat jarri da, aurrealdeko beiraduna eta erabat funtzionala den gidatze-postu batekin egokitua, ibilbidea gainbegiratu ahal izateko eta, behar izanez gero, jarduteko. Edukiontzi horrek bidaiaririk garraiatzen ez duenez, funikularrak otsailetik kabina bakarrarekin eta ordutegi aldatuarekin funtzionatzen du, aldi baterako, lanek irauten duten bitartean.

Funikularraren garrantzia 2026an zehar oroituko da ekintza sorta batekin. Ekintza horien artean, nabarmentzekoak dira liburu ilustratu bat argitaratzea —Juanjo Olaizola Euskotreneko Museoko zuzendariak koordinatuta eta Amaia Ballesteros tokiko diseinatzaileak ilustratuta—, dibulgazio-hitzaldiak, jolas- eta jai-ekitaldiak eta egungo erakusketa-guneen hobekuntza. Haur eta gazteengana iristeko asmoz, komiki bat ere argitaratuko da eta ikastetxeentzako bisita gidatuak antolatuko dira.

Zigiluaren ezaugarriak

Correosen zigiluak funikularraren irudi zaharretako bat erreproduzitzen du. Argazkian, zuri-beltzean, barruan bidaiari batzuk dituen autobus bat eramaten ikusten da. Pertsona bat lasai doa ibilgailuaren sabai gainean eserita, bere garaian ohikoa omen zen jarreran, beste batzuk plataforma gainean zutik dauden bitartean. Denak kamerari begira daude, betikotzen dituen kamerari.

Omenezko zigilu honek balioetsi egiten du ehun urte egin dituen garraiobide honen berezitasuna: pertsonak eta salgaiak garraiatzeko diseinatu zuten, eta munduan bakarra den garabi-sistema bat du, bidaiarien kabinak kentzeko aukera ematen duena, plataforma garden bat libre uzteko eta horren gainera mota guztietako ibilgailuak igo ahal izateko (zigiluaren erdiko piezan ikus daitekeenez).

Mendiko trenbide gehienak turistak gailur garaietara igo ahal izateko diseinatu zituzten, bertatik ikuspegi ederrez goza zezaten. Larreinetakoa, berriz, XX. mendearen hasieran Trapagarango goialdean bizi eta lan egiten zuten meatzari ugarien beharrei erantzuteko pentsatu zuten. Kanpoko munduarekiko bakartuta, udalerriaren erdigunera jaisteko ordu eta erdi inguru eskatzen zuen errepide bihurri baten bidez bakarrik komunikatzen ziren mundu horrekin. Bada, funikularrari esker, hamar minutu eskasean azkar eta modu seguruan joateko aukera zuten. Jaulkipen filateliko honek, hain zuzen ere, gizartearen eta ingurunearen balio eraldatzaile hori oroitarazten du.

1.179 metroko ibilbidearekin, Larreinetako funikularra Espainia osoko luzeena izan zen 75 urtez. Bere bi geltokien artean 342 metroko desnibela gainditzen du, eta % 36ra iristen diren arrapalak ditu. Sistemari egonkortasun handiagoa emateko, funikularraren diseinatzaileek 1.200 milimetroko trenbide-zabalera aukeratu zuten, garai hartan mota honetako instalazioetan ohikoa zen zabalera metrikoaren ordez.

Larreinetako funikularrak 1926ko jatorrizko instalazio ia guztiak kontserbatzen ditu: geltokiak, makineria, plataforma, zubibideak eta ibilgailuak. Hori dela eta, Eusko Jaurlaritzak Interes Kulturaleko Ondasun deklaratu zuen 2014. urtean, gutxik bezala Euskadi modernoaren garapenaren oinarriak ezarri zituen eskualde bateko meatze-iraganaren azken lekukotza adierazgarrienetako bat izateagatik.

Filateliak formatu txikian islatzen du gizarteak garrantzitsutzat eta aintzatesteko modukotzat jotzen duen edozein elementu, eta garraiobide honen lehen mendeurrena ere mundu horren parte da dagoeneko.

Material filateliko hau Trapagarango posta-bulegoan eskuratu daiteke, baita Filatelia Zerbitzuarekin harremanetan jarrita ere (atcliente.filatelia@correos.com helbidean edo 915 197 197 telefonora deituta).

Zigiluaren ezaugarri teknikoak

Motiboa: Funicular de Larreineta / Larreinetako Funikularra 1916-2026
Jaulkipen-data: 2026ko ekainaren 15a
Inprimatze-prozedura: offset
Euskarria: autoitsasgarri fosforeszentea
Zigiluaren tamaina: 40,9 mm x 28,8 mm (horizontala)

Euskotrenek ekainaren 19an eta 20an Bilboko tranbiaren zerbitzua aldatuko du

aruizlazkano — Mon, 15 Jun 2026 12:15:14 +0000

Euskotrenek ekainaren 19an eta 20an Bilboko tranbiaren zerbitzua aldatuko du

2026-06-15

aruizlazkano Al, 15/06/2026 - 14:15

Euskotrenek ekainaren 19an eta 20an Bilboko tranbiaren zerbitzua aldatuko du

Euskotrenek ekainaren 19an eta 20an tranbien zerbitzua aldatuko du, ZETAK taldeak San Mamesen eskainiko dituen kontzertuak direla eta

Aldaketak honako tarte eta ordu hauetan egitea aurreikusten da:

• Ostirala, 19: zerbitzua eten egingo da Euskalduna – La Casilla tartean, 21:55 eta 22:45 bitartean.

• Larunbata 20: Euskalduna – La Casilla tartean ere etena 21:20 eta 22:15 bitartean.

Euskotrenek tranbian ibiliko diren pertsonei ordutegiak aldez aurretik kontsultatzeko gomendatzen die, bai APP ofizialean, bai www.euskotren.eus webgunearen bilatzailean.

Informazio gehiago nahi izanez gero, erabiltzaileek 944 333 333 telefono-zenbakia ere eskura dezakete.

Euskotrenek gaueko trenen zerbitzu berezia eskainiko du Sondikako San Joan jaiak direla eta

aruizlazkano — Mon, 15 Jun 2026 11:59:24 +0000

Euskotrenek gaueko trenen zerbitzu berezia eskainiko du Sondikako San Joan jaiak direla eta

2026-06-15

aruizlazkano Al, 15/06/2026 - 13:59

Euskotrenek gaueko trenen zerbitzu berezia eskainiko du Sondikako San Joan jaiak direla eta

Euskotrenek gaueko trenen zerbitzu berezia eskainiko du, Sondikako San Joan Jaiak direla eta.

Ekainaren 19an, ostirala, irteera bereziak eskainiko dira Kukullaga/Etxebarri – SONDIKA – Lezama tartean (bi noranzkoetan).

Bestalde, ekainaren 20an, larunbata, ohiko gaueko zerbitzua mantenduko da Euskotrenen Bizkaiko eta Debabarreneko trenbideetan, Kukullaga/Etxebarri – SONDIKA – Lezama tartean ematen dena barne.

Gogoratu Zazpikaleak geltokiak Metro Bilbaoko 1 eta 2 lineetako zerbitzuekin lotura errazten duela.

Euskotrenek trenez joango diren pertsonei ordutegiak aldez aurretik kontsultatzeko gomendatzen die, bai APP ofizialean, bai www.euskotren.eus webgunearen bilatzailean.

Informazio gehiagorako, erabiltzaileak Euskotreneko langileek zerbitzatzen dituzten geltokietara joan daitezke edo 944 333 333 telefono zenbakira deitu.

Euskotrenek gaueko tren-zerbitzua areagotuko du datorren larunbatean, Irungo jaiak direla-eta

aruizlazkano — Mon, 15 Jun 2026 11:46:53 +0000

Euskotrenek gaueko tren-zerbitzua areagotuko du datorren larunbatean, Irungo jaiak direla-eta

2026-06-15

aruizlazkano Al, 15/06/2026 - 13:46

Euskotrenek gaueko tren-zerbitzua areagotuko du datorren larunbatean, Irungo jaiak direla-eta

Euskotrenek, Eusko Jaurlaritzako Mugikortasun Jasangarriaren sailaren mendeko sozietate publikoak, TOPOaren gaueko zerbitzua areagotuko du datorren larunbatean, ekainak 20, Irungo jaiek eragindako joan-etorria errazteko.

Gauean zehar 30 eta 60 minutuero izango dira trenak bi norabideetan.

Euskotrenek trenez mugituko diren pertsonei gomendatzen die ordutegiak aldez aurretik kontsultatzeko APP ofizialean zein www.euskotren.eus webguneko bilatzailean. Informazio jaso dezakete, halaber, Euskotreneko langileak dituzten geltokietan eta 944 333 333 telefono-zenbakian.

ZERBITZU ALDAKETAK

mdiaz — Fri, 12 Jun 2026 10:02:25 +0000

ZERBITZU ALDAKETAK

2026-06-12

mdiaz Or, 12/06/2026 - 12:02

Autobusak Bizkaia (ekainak 12): ibilbide aldaketak A3411/A3414 Iberdrolaren 150. urteurrena dela eta

Iberdrolaren 150. urteurrena dela eta Bilboko Udalak egindako jakinarazpenaren arabera, ostiralean, 2026/06/12an, zenbait kale moztu egingo dira 16:00 etatik zerbitzu amaitu arte, linea hauek aldatu beharko dira:

A3411 lineak

Ezin izango du zerbitzurik eman: Museoa eta Deustuko Unibertsitatea -Pio X plaza-
Zerbitzua San Pedro plazatik egingo da.

A3414 lineak

Ezin izango du zerbitzurik eman: Alameda Rekalde 14, Alameda Rekalde 29, Gran Vía 46 -Sota-, Gran Vía 74 eta Gran Vía 79
Linea Ingeniaritza eskola geralekutan hasi eta amaituko da.

Informazio gehiago: www.bizkaibus.eus, tel.: 946 125 555 eta Bizkaibus APPan.