Burdinbidearen Euskal Museoa: lurrun trenaren lau irteera larunbatean (irailak 15)

 

Eusko Jaurlaritzako Sozietate Publikoaren esku dagoen Euskotreneko Burdinbidearen Euskal Museoak, larunbat honetan, irailaren 15ean, Museoa (Azpeitia) eta Lasao artean lurrun trenen zerbitzua bikoiztuko du, izan ere igandean, irailaren 16an, goizetako ohiko zirkulazioa bertan behera geratu da, Bizkaian Plentziara trena iritsi den 125. Urtemugaren ospakizuna dela eta. Bertan, Larrabasterra eta Plentzia artean lurrun trenaren zirkulazio berezia egongo da.

Larunbatean, irailaren 15ean, Museotik (Azpeitia) Lasaora ibiliko diren trenak honako orduetan irtengo dira: 12:00etan, 13:00ean, 17:00etan eta 18:00etan.

Museoko instalazioen irekiera ordutegia honako hau da:

•    Asteartetik ostiralera lanegunetan: 10:00etatik 13:30era; eta 15:00etatik 18:30era.
•    Larunbatak: 10:30etik 14:00etara; eta 16:00etatik 19:30etara.
•    Igandeak eta jaiegunak (astelehenak izan ezik): 10:30etik 14:00etara.
.

Burdinbidearen Euskal Museoak Europa osoko tren bilduma hoberenetakoa du bere instalazioetan, mota guztietako ibilgailuekin, lurrun tren-makinak, dieselak, elektrikoak, automotoreak eta mota guztietako bagoiak. Horrez gain, Museoak Euskadiko makina-erreminta multzo hoberenetakoa ere eskaintzen du, Urolako Trenbidearen tailer mekaniko zaharraren bitartez, eta XIX. mendearen amaieratik trenean erabilitako uniformeen bilduma eta mundu osoko tren erloju bildumarik hoberenetakoa.

Une honetan “1921-126, Urolako Trenbidearen eraikuntza” argazki erakusketa ere jasotzen du. Bertan, formatu handiko 36 argazkiz osatutako bilduma biltzen du, horietatik gehienak orain arte ikusi gabeak. Argazkietan Urolako Trenbidearen eraikuntzaren zenbait etapa islatzen dira. Trenbide horren erdialdea zen Azpeitiko geltokian dago Euskotrenen Burdinbidearen Euskal Museoa.

Jendearentzako informazioa
•    Burdinbidearen Euskal Museoaren helbidea: Julian Elorza kalea, 8 (20730 AZPEITIA-GIPUZKOA).
•    Informazio telefonoa: 943 15 06 77
•    Faxa: 943 15 07 46
•    Helbide elektronikoa: museoa@euskotren.eus
•    Webgunea: www.euskotren.eus

 

 





© 2001-17 Eusko Trenbideak - Ferrocarriles Vascos S.A. Ez da argitalpen honen erreprodukzio partziala edo osoa baimentzen.